SUVNI İÇİLİR ALĞA KETİRMEK İÇÜN TEMİZLEV USULLARI
Aşağıdaki usullar suvnıñ tamamınen temiz olacağına 100% kefalet bermey, amma olar sizni suvsuzlaşuvdan qurtara bileler.
Qaynatuv
Effektiv yuqunçsızlaştıruv usulı. Suv qaynap başlağandan soñ eñ az 10 daqqa qaynatıñız. Bu suvnıñ (qapalı savutta bile) saqlama müddeti bir kün künden ziyade olmamalı.
Suvnı yuqunçsızlaştırmaq içün turizm apları
Aplarnı turizm tükânlarından, eczahanelerden satın almaq mümkün. Olarnıñ içinde hlor, yod, hlor dioksidi ya da başqa yuqunçsızlaştıruv maddeleri bar. Qullanuv aqqında talimatlarğa riayet etiñiz.
Yodnen yuqunçsızlaştıruv
1 litr suvğa 3-4 tamçı yod qoymaq kerek. Onı süzgüçten keçiriñiz (meselâ, marlâdan) ve içmezden evel bir saat bekleñiz. Suvda yod qoqusı ve dadı belli olacaq. Böyle suvnı çoq vaqıt devamında içmege mümkün degil. Mümkün olsa, ekimden tevsiye alıñız, çünki yod hamile qadınlar, yodqa allergiyası olğan insanlar ve qalqan bezi meseleleri olğan insanlar içün zararlı ola bile.
Faalleştirilgen kömür ile yuqunçsızlaştıruv
1 litr suvğa 4-5 ap kerek olacaq. Olarnı ezip, marlâğa sarmaq ve suvğa qoyıp, 10-12 saat beklemek kerek. Böyle yuqunçsızlaştırılğan suvnı 3 künge qadar istimal etmek mümkün.
Suv süzgüçleri
Özüñizge suv süzgüçleri satıp alıñız ve büvet ya da quyulardan toldurılğan suvnı
qaynağan soñ bile qoşma olaraq temizleñiz.
Yağmur suvunı ve açıq havuzlardan suvnı temizlev (fevqulâde vaziyetlerde)
Fevqulâde vaziyette özen, göl, yağmur suvunı qaynatıp, süzgüçten keçirmek mümkün. Suv “yeşergen” olsa, çoq vaqıt turğan, himiyeviy maddelernen ya da radiatsiyanen bulaşqan olsa, bu usulnı qullanmaq mümkün degil. Bu usulnı tek sağ qalmaq kerek olğan şaraitlerde qullanıñız.