İŞĞALCİLER SİZNİ UKRAYİNADAN ZORNEN ÇIQARĞAN OLSALAR

Eger mecburiy tahliyeden qaçınıp olmağan olsañız, işğalciler sizni tintecegine, atta sorğuğa çekecegine azır oluñız.

Müim fotoresimlerni, videolarnı ya da elektron vesiqalarnı saqlamaq içün evelden qoşma poçta adresini yaratıñız ve olarnı o poçtağa yükleñiz. Poçta qutusınıñ adı sizge iç bağlı olmağan ve gizli olmaq kerek ki, işğalciler onıñ aqqında bilmesinler. Er şeyni qoşma poçtağa yüklegen soñ, ondan çıqıñız, telefonıñıznıñ brauzer tarihını ve saifelerini temizleñiz. Gizli poçta qutusınıñ login ve parolini tek aqlıñızda tutıñız. Olarnı telefonıñızda saqlamañız! Emin olmaq içün, olarnı tek işanğan bir kişige yollamaq mümkün.

Sorğu vaqtında tınç olmağa tırışıñız. Özüñizni mümkün olğanı qadar bitaraf tutıp, qızıştıruvlarğa qapılmañız, siyasiy fikirlerni muzakere etme ve uzun laqırdılarğa kirişmeñiz. Uquqiy ceetten baqqanda, sorğu vaqtında yapılacaq eñ havfsız şey Rusiye Federatsiyası Anayasasınıñ 51-nci maddesinden faydalanmaq olur, oña köre iç kimse özüne, ömür arqadaşı ve yaqın soy-soplarına qarşı şaatlıq etmege mecbur degil. Bu madde Rusiye Federatsiyası topraqlarında bulunğan er kes içün keçerli. Amma eger siz fizikiy zorbalıq havfını duysañız, qanunğa atıf etmege tırışmañız.

Olardan birisi – yaqın soy-sopıñızğa tutulğanıñız aqqında haber etmek aqqıdır. Göñüllilernen bağlanmağa ve yerleşken yeriñiz aqqında malümatnı mümkün olğanı qadar çoq insanğa bildirmege tırışıñız. Eger sizge qarşı cinaiy iş açılğan olsa, siziñ advokatqa aqqıñız bar; sizge devlet qorçalayıcısı berilmek kerek.

Unutmañız ki, uquqiy ceetten iç kimse sizni RF-te qalmağa mecbur etip olamaz ve sizge rus vatandaşlığını zorlap qabul ettirmez. Başqa memleketlerge qara yolnen Baltıq memleketleri üzerinden (Estoniya, Latviya) ve Finlândiyadan keçip barmaq mümkün. Ondan da ğayrı (nazariy ceetten) uçaq biletini satın ala bilesiñiz. RF içindeki demiryoldan da faydalanmaq mümkün.

Siz Ukrayinada olsañız ve yaqınlarıñıznı zorlap tahliye etken olsalar qayda haber etmek kerek?

Milliy haber bürosınıñ telefon hattı

16-48

Ukrayina tışqı işler nazirliginiñ telefon hattı

+38 044 238 15 88

Politsiya

102