VAQTINCA İŞGAL ETİLGEN TOPRAQLARDA HABERLERNİ NASIL OQUMAQ MÜMKÜN?

VAQTINCA İŞGAL ETİLGEN TOPRAQLARDA HABERLERNİ NASIL OQUMAQ MÜMKÜN?

İşğalci memleket tarafından qapatılğan saytlarnı, şu cümleden bizim saytımıznı oqumaq içün işançlı VPN hızmetlerinden faydalanmaq mümkün. Amma tecavuzcı memleket tarafından VPN hızmetleriniñ qapatılğanını köz ögüne alğanda, biz de Ceno mobil brauzerini (Censura NO! qısaltması) Android-cihazıñızğa yüklemekni tevsiye etemiz, onı iç bir türlü mevcut usulnen qapatmaq mümkün degil. Ceno qullanıp, bu ve diger saytlardan nasıl etip havfsız faydalanmaq mümkün olğanı aqqında bu maqaleni oquñız.

Duşmanlarımız işğalde internetke mustaqil kirişni qapatmaq içün elinden kelgenini yapalar. Amma biz de sizge bu irişüvni temin etmek içün daima ğayret kösteremiz. Bizim saytımızğa abune oluñız, biz sizge kerekli yañılıqlarnı yollarmız.

Ceno qullanması smartfondaki başqa brauzerlerniñ qullanılmasına beñzey.

  1. Google Play Market-te «ceno browser» yazıp Ceno-nı tapıñız.
  2. Ceno brauzerininı Android olğan aletine – smartfon ya da planşetke yükleñiz.
  3. Ceno ilâvesi açıñız – «Başlamaq»qa basıñız.
  4. Qullanmanıñ sizge bildirüvler yollamasına ruhset beriñiz – bu telükesiz.
  5. Sizge kerekli saytlarnı tezce yüklemek içün, qullanmağa batareyanı optimallaştıruvnı toqtatmağa ruhset etiñiz.
  6. İhtiyaclarıñızğa köre uyğun brauzer rejimini qullanıñız:

               а. Yañılıqlarnı bilmek, videolar seyir etmek, Vikipediya maqalelerini oqumaq ya da tsenzurağa oğrağan başqa statik menbalarğa kirmek içün Ceno-nıñ standart «Közden keçirüv» rejimini (cemaat yarlığını) qullanıñız.
               б. Dinamik saytlar içün içtimaiy ağğa ya da elektron poçta aqqında malümatqa kirmege isteseñiz Ceno-nıñ «Şahsiy közden keçirüv rejimini (hususiy yarlıq, qoyu renk) qullanıñız.


Ceno menim şimdiki brauzerimni (Chrome/Firefox/Safari) deñiştirip olurmı?

Qısqa cevap: ebet, eñ olmağanda, esas web-brauzerler içün. Ceno Android içün Mozilla Firefox esasında yapılğanı içün, o, zemaneviy brauzerden beklengen bütün funktsiyalarnı teminley.

Facebook, Twitter (X) ve Gmail-ge kirmek içün Ceno brauzerini qullanmaq mümkünmi?

Qısqa cevap: ebet, şahsiy yarlıqlardan faydalanıp açmağa mümkün.

Ceno brauzerinde ziyaret etilgen web-saytlarnı temizlemek mümkünmi?

Qısqa cevap: ebet, bir dögmenen.