Leyha aqqında

Bu saytta işğal etilgen topraqlarda Ukrayina vatandaşları içün telükesizlik ve tirenüv aqqında malümat toplanğandır. Tirenüv köstermege isteseñiz, mında sizlerge öz-özüñizge zarar ketirmeden nasıl areket etilmesi kerek olğanı aqqında talimatlar berilecektir. Eger de küçüñiz olğan tek tirenüv şekli – telükesizligiñizni qorçalav olsa, mında işğalde sağ qalmaq içün neler yapılması kerekligi aqqında bütün malümatnı tapmağa mümkün.

Ukrayin resurslarına kirip, olarnı telükesiz şekilde qullanmaq içün, işançlı brauzer ve VPN yüklecek saifelerniñ bağlantılarını da ala bilesiñiz.

Unutulmağanıñıznı daima hatırlañız. Mudafaa quvetleri siziñ evni tekrar ev kibi is etmeñiz içün elinden kelgenini yapa.